« Previous

Bhagavad Gita: Chapter 6, Verse 29

ஸர்வபூ⁴த¹ஸ்த²மாத்¹மானம் ஸர்வபூ⁴தா¹னி சா¹த்¹மனி |

ஈக்ஷதே¹ யோக³யுக்¹தா¹த்¹மா ஸர்வத்¹ர ஸமத¹ர்ஶன: ||29||

ஸர்வ-பூத-ஸ்தம்--—எல்லா உயிர்களிலும் அமைந்துள்ளது; ஆத்மானம்--—உயர்ந்த ஆன்மா; ஸர்வ--—அனைத்து; பூதானி--—உயிரினங்களில்; ச—--மற்றும்; ஆத்மனி—--கடவுளை; ஈக்ஷதே--—பார்க்கிறார்; யோக-யுக்த-ஆத்மா--—கடவுளுடன் உணர்வில் ஐக்கியப்பட்டவர்; ஸர்வத்ர—--எல்லா இடங்களிலும்; ஸமதர்ஶனஹ--—சம பார்வையடன்

Translation

BG 6.29: உண்மையான யோகிகள், தங்கள் உணர்வை கடவுளுடன் இணைத்து, எல்லா உயிர்களையும் கடவுளிலும், கடவுளை எல்லா உயிரினங்களிலும் சமமான கண்ணோட்டத்துடன் பார்க்கிறார்கள்.

Commentary

இந்தியாவில், தீபாவளி பண்டிகையின் போது, கடைகளில் கார்கள், விமானங்கள், ஆண்கள், பெண்கள், விலங்குகள், பந்துகள் மற்றும் தொப்பிகள் என பல்வேறு வடிவங்களில் சர்க்கரை மிட்டாய்கள் விற்கப்படுகின்றன. குழந்தைகள் தங்களுக்கு கார், யானை மற்றும் பலவற்றைக் கேட்டு பெற்றோரிடம் சண்டையிடுகிறார்கள். அவை அனைத்தும் ஒரே ஒரே மூலப்பொருளான சர்க்கரையில்) செய்யப்பட்டவை என்றும் சமமாக இனிப்பானவை என்றும் அறிந்த பெற்றோர்கள் அவர்களின் கேடற்ற தன்மையைப் பார்த்து புன்னகைக்கிறார்கள்..

அதுபோலவே, கடவுள் அவரது பல்வேறு ஆற்றல்களின் வடிவில் இருக்கும் எல்லாவற்றின் மூலப்பொருள் ஆவார்,

ஏக¹தே³ஸஸ்தி²த¹ஸ்யாக்³னிர்ஜ்யோத்²ஸ்னா விஸ்தா¹ரிணீ யதா²

ப¹ரஸ்ய ப்³ரஹ்மணஹ ஶ்க்¹திஸ்த¹தே²த³மகி²லம் ஜகத்¹

(நாரத்³ பஞ்ச¹ராத்¹ரம்)

‘சூரியன் எப்படி ஒரே இடத்தில் தங்கியிருந்து, எங்கும் ஒளிர்வதைப் போலவே, ஒப்புயர்வற்ற கடவுளும் தனது பல்வேறு ஆற்றல்களால் வியாபித்து, உள்ள அனைத்தையும் நிலைநிறுத்துகிறார்.’ முழுமையடைந்த யோகிகள், உணர்ந்த அறிவின் வெளிச்சத்தில், எல்லாவற்றையும் கடவுளுடன் தொடர்புள்ளதாக காண்கிறார்கள்.

« Prev verse

Next verse »